«Мерей» бөбекжайы МКҚК қамқоршылық кеңесінің 2025–2026 оқу жылындағы жұмысы туралы ЕСЕБІ

«Мерей» бөбекжайындағы қамқоршылық кеңес білім беру процесін ұйымдастыруға, қаржы-шаруашылық қызметіне ықпал ететін материалдық-техникалық мәселелерді шешу, сондай-ақ білім беру процесіне қатысушылардың барлығының құқықтары мен мүдделерін қорғау мақсатында қоғамдық басқару нысандарын енгізу үшін ерікті негізде құрылған.

2025–2026 оқу жылы ішінде қамқоршылық кеңес білім беру процесін ұйымдастыруға және балабақшаның материалдық-техникалық базасын нығайтуға белсенді қатысты.

Оқу жылындағы қамқоршылық кеңес жұмысының басым бағыттары:

1. Бөбекжайда балалардың білім алуы мен тәрбиеленуіне қауіпсіз жағдайлар жасауға жәрдемдесу.

2. Материалдық-техникалық базаны жетілдіруге, бөбекжайдың ғимараттары мен аумағын абаттандыруға жәрдемдесу.

3. Жөндеу жұмыстарын жүргізуге және жаңа оқу жылына дайындыққа көмек көрсету.

4. Қаржы қаражатының мақсатты әрі ұтымды жұмсалуын бақылауды жүзеге асыру.

5. Тамақтандыруды ұйымдастыру.

6. Білім беру процесіне қатысушылардың құқықтары мен заңды мүдделерін қорғау және іске асыру.

7. Бюджеттен тыс қаражат тарту.

Қамқоршылық кеңеспен бірлесіп ата-аналармен кездесулер жүйелі түрде өткізіліп тұрады. Бұл кездесулерде қамқоршылық кеңестің қызметі туралы ақпарат беріліп, ата-аналар бірлескен жұмысқа тартылады. Ата-аналар жиналыстарының барлығына дерлік қамқоршылық кеңестің өкілдері қатысады. Бұл ата-аналардың бөбекжай мәселелерін шешуге деген қызығушылығын арттыруға мүмкіндік береді. Аталған жұмыс айтарлықтай уақытты қажет еткенімен, өз нәтижесін беруде.

Мысалы, 2025 жылғы 25 қыркүйекте өткен жалпы ата-аналар жиналысында қамқоршылық кеңестің қазынашысы Д.Ж. Тасымов сөз сөйлеп, тәрбиеленушілердің ата-аналары білім беру ұйымдарының ғимараттарын күтіп-ұстау және күзету, білім беру процесін материалдық-техникалық қамтамасыз ету мен жабдықтау қызметтерін қаржыландыруға міндетті емес екенін атап өтті. Аталған қажеттіліктерге мемлекеттік бюджеттен қаражат бөлінеді. Оларға кеңсе тауарлары, жуғыш және шаруашылық құралдары, спорттық тауарлар мен ойыншықтар жатады.

Ата-аналар жиналыстарында ата-аналар қауымдастығына бюджет қаражатының жұмсалуы туралы ақпарат беріледі.

2025–2026 оқу жылында ұйымның бюджеті 86 963,0 мың теңгені құрады.

Балабақша бюджеті мынадай ерекшеліктер бойынша бөлінген:

1. 111-ерекшелік – қызметкерлердің еңбекақысы: 70 077,0 мың теңге.

2. 159-ерекшелік – өзге де қызметтер мен жұмыстар: 9 758,6 мың теңге.

3. 151-ерекшелік – коммуналдық қызметтер: 5 244,0 мың теңге.

4. Өзге де шығындар – 66 030 мың теңге.

Мекемеде тамақтандыруды ұйымдастыру бойынша бракераждық комиссия жұмыс істейді. Комиссияның жұмысына қамқоршылық кеңестің мүшелері де тартылды.

Мекеме қызметінің ашықтығы мен жариялылығын қамтамасыз ету мақсатында қаржылық және материалдық қаражаттардың түсуі мен жұмсалуы туралы жыл сайынғы есеп қоғам назарына ұсынылады.

Қамқоршылық кеңес ата-аналар мен бөбекжай әкімшілігі арасындағы өзара байланысты қамтамасыз етеді, сондай-ақ ата-аналарды мектепке дейінгі ұйымдағы барлық жаңалықтар туралы хабардар етеді.